Posted: 01/02/2013 12:44 PM IST

గత రెండు రోజులుగా అనంతపురంలో  ఫ్యాక్షనిజం కక్షలు మళ్లీ పడగవిప్పుతున్నాయి. మూడోతరం యువకుల మద్య పాత గొడవలు  కొత్త ఉపిరిపోసుకుంటున్నాయి. ఈ నేపధ్యంలో  టీడీపీ ఎమ్మెల్యే పరిటాల సునీత కొడుకు  పరిటాల శ్రీరామ్ ఇటీవల కేసు నమోదు అయిన విషయం తెలిసిందే.  ఈ విషయంతో  అనంతపురం నివురుగప్పిన నిప్పుల మారింది.   ఈ రోజు  పోలీసులు  పరిటాల సునీత  ఇంటిలో  తనిఖీలు చేపట్టడంపై  పరిటాల సునీత ఆగ్రహం వ్యక్తం చేశారు.  ఎలాంటి  అనుమతులు లేకుండా  పోలీసులు  తన ఇంట్లో ఎలా తనిఖీలు  చేస్తారని  ఆమె ప్రశ్నించారు.   పోలీసులు  తన ఇంట్లోకి అక్రమంగా  ప్రవేశించారని  స్పీకర్ కు ఫిర్యాదు చేస్తానని ఆమె చెప్పారు. గతంలో  పరిటాల రవిని కూడా ఇలాగే తనిఖీలు చేసి వేధించి  చంపారని  ఆమె ఆరోపించారు.  కాంగ్రెస్ నేత హత్యకు  కుట్ర పన్నినట్లు  పరిటాల  రవి తనయుడు శ్రీరామ్  పై కేసు నమోదు కావడంతో   అతన్ని  అరెస్టు  చేసేందుకు  పోలీసులు ఈ రోజు ఉదయం  సునీత ఇంట్లో  తనిఖీలు చేపట్టారు.