Posted: 12/27/2012 03:17 PM IST

రేపు జరగనున్న  అఖిల పక్ష సమావేశానికి  తెలుగుదేశం పార్టీ నుండి  వెళ్లే నాయకులు ఎవరు ఆ పార్టీ ప్రకటించింది.  టీడీపీ సినీయర్ లీడర్  యనమల  రామక్రిష్ణుడు , మరోకరు  కడియం శ్రీహరి  ఈ ఇద్దరు  అఖిల పక్ష  సమావేశానికి టీడీపీ తరపున  హాజరవుతున్నట్లు తెలుస్తోంది.  అయితే  ఈ సమావేశంలో  తెలంగాణ పై అభిప్రాయం  చెప్పాలని కాంగ్రెస్  పార్టీని  నిలదీస్తామని  యనమల రామక్రిష్ణుడు  తెలిపారు.  అఖిల పక్షం  ముగిసిన తర్వాత  కేంద్రం తన అభిప్రాయం  చెప్పాలన్నారు.  అఖిల పక్ష సమావేశంలో  లేఖ ద్వారా  తమ అభిప్రాయం  చెప్తామని , సమావేశం  తర్వాత  లేఖను  మీడియా ముందు  ఉంచుతామని యనమల  తెలిపారు.

 అయితే  తెలంగాణ నాయకులు మండిపడుతున్నారు.  అఖిల పక్షంలో అనుకూలంగా  వ్యవహరించని  పార్టీలకు  తెలంగాణలో  స్థానం లేకండా చేస్తామని  ఐకాస చైర్మన్  కోదండరాం  హెచ్చరించారు.   అఖిల పక్ష  సమావేశానికి పిలిచిన కాంగ్రెస్ దే పరిష్కార బాధ్యతని  అన్నారు.  సమావేశం  తర్వాత  పెద్ద ఎత్తున్న కార్యాచరణ  చేపడతామని  తెలిపారు.  దీనిపై  టీఆర్ఎస్  శాసనసభాపక్ష  నేత  ఈటెల  రాజేందర్   మాట్లాడుతూ  కేంద్రానికి  చిత్తశుద్ది  ఉంటే మీడియా  సమక్షంలో అఖిల పక్ష  సమావేశాన్ని   నిర్వహించాలని  ఆయన అన్నారు.  భవిష్యత్తులో  ఉద్యమం  భరించే స్థితిలో  ఉండదని, సహనం  లేదని ఇక సమరమేనని  ఆయన తెలిపారు.  అఖిల పక్ష  సమావేశంలో  అనుకూలంగా  వ్యవహరించని  పార్టీ జెండా  మిద్దెలు  కూల్చుదామని  ఆయన  ఆవేశంగా అన్నారు.