Posted: 12/19/2012 08:56 AM IST

ఈనెల 28వ తేదీన ఢిల్లీలో నిర్వహించే అఖిల పక్ష సమావేశానికి టీఆర్ఎస్ తరుపున కేసీఆర్, ఆయన వెంబడి జేఏసీ ఛైర్మెన్ కొదండరామ్ ని ఆహ్వానించిన విషయం తెలిసిందే. అయితే ఈ సమావేశానికి కోదండరామ్ వెళ్ళే అవకాశాలు తక్కువగానే కనిపిస్తున్నాయి. ఈయనను కేసీఆర్ ఆహ్వానించడం జేఏసీలో ని రాజకీయ పార్టీలు అయిన బీజేపీ, సీపీఐ అభ్యంతరాలు వ్యక్తం చేయడంతో జేఏసీ స్టీరింగ్ కమిటీ బుధవారం ఉదయం 9.30కు అత్యవసరంగా భేటీ కానుంది. ఈ భేటీలో మిగిలిన భాగస్వామ్య పక్షాల అభిప్రాయాలను కోదండరాం తీసుకోనున్నారు. టీఆర్ఎస్ తరఫున కోదండరాం అఖిలపక్ష భేటీకి హాజరుకావటం బీజేపీ, న్యూడెమోక్రసీలకు ఆమోదయోగ్యం కాదని తెలుస్తోంది. ఇవే కాకుండా, మెజారిటీ భాగస్వామ్య సంఘాలు కూడా టీఆర్ఎస్ తరఫున కోదండరాం అఖిలపక్ష భేటీకి వెళ్లకుంటేనే బాగుంటుందని అభిప్రాయపడుతున్నట్లు సమాచారం. గతంలో జరిగిన అఖిలపక్ష భేటీకి జయశంకర్ వెళ్ళారు. కానీ ఇప్పుడు కోదండరామ్ వ్యక్తిగా లేరు. జేఏసీకి ఛైర్మెన్. కాబట్టి అతను భేటీకి వెళ్ళక పోవడమే మంచిదనే అభిప్రాయం జేఏసీ వర్గాల నుండి బలంగా వినిపిస్తుంది.