Posted: 12/16/2012 12:53 PM IST

ఆంధ్రప్రదేశ్ ప్రభుత్వ ప్రధాన కార్యదర్శి మిన్నీ మాథ్యూస్ ని త్వరలో ఏపీపీఎస్సీ కార్యదర్శిగా నియమించేందుకు ప్రభుత్వం నిర్ణయం తీసుకున్నట్లు సమాచారం. ప్రస్తుత ఏపీపీఎస్సీ చైర్‌పర్సన్ రేచల్‌చటర్జీ పదవీకాలం (ఆమె వయస్సు 62) ఈనెలతో ముగియనుండటంతో, ఆమె స్థానంలో ఈమెను నియమించాలని అనుకుంటున్నారు. ఇక మిన్నీమాథ్యూ 2013 జనవరి 31న రిటైర్ కానుండటం, ప్రభుత్వ ప్రధాన కార్యదర్శిగా తక్కువ కాలం సర్వీసును పూర్తిచేసుకోవడంతో ఆమె సేవలను కొంతకాలం ఏపీపీఎస్సీలో వినియోగించుకోవాలని సర్కారు యోచిస్తున్నట్లు సమాచారం. ఏపీపీఎస్సీలో సంస్కరణలు తీసుకురావడంలో కీలకపాత్ర వహించిన మిన్నీమాథ్యూను చైర్‌పర్సన్‌గా నియమిస్తే ఇబ్బంది ఉండదన్నది కూడా సర్కారు ఆలోచనగా చెబుతున్నారు. ఈ నెల 28న రేచల్ పదవీకాలం ముగియనుండటంతో కొత్త చైర్‌పర్సన్‌ను వెంటనే నియమిస్తారా.. లేదా సీఎస్‌గా పదవీకాలం జనవరి 31 వరకు ఉండటంతో ఆ తర్వాత మిన్నీమాథ్యూను నియమిస్తారా అన్నది తేలాలంటే కొద్ది కాలం వేచిచూడాల్సిందే.