Posted: 12/03/2012 03:53 PM IST

ఎక్సైజ్ శాఖ మాజీ మంత్రి మోపిదేవి వెంకట రమణకి అద్రుష్టం కలిసిర రావడం లేదు. వైయస్సార్ కాంగ్రెస్ అధ్యక్షుడు జగన్ మోహన్ రెడ్డికి సంబంధించిన అక్రమాస్తుల కేసులో అరెస్టు అయి జైల్లో ఉన్న విషయం తెలిసిందే. ఇప్పటికే సీబీఐ కోర్టులో బెయిల్ తిరస్కరించడంతో, బెయిల్ కోసం హైకోర్టును ఆశ్రయించిన ఆయనకు అక్కడ కూడా నిరాశే ఎదురైంది. మోపిదేవి వెంకటరమణకు బెయిల్ ఇస్తే. సాక్ష్యాలను ప్రభావితం చేస్తాడని సీబీఐ చేసిన వాదనతో హైకోర్టు ఏకీభవించి ఆయన బెయిల్ పిటీషన్ ని తిరస్కరించింది. ఈ కేసును ఎప్పటి నుండో దర్యాప్తు చేస్తున్న సీబీఐ ఇంకా విచారించడానికి ఏముందో కానీ, ఈయనకు బెయిల్ రాకపోవడం మాత్రం బాధాకరం అంటున్నారు రాజకీయ విశ్లేషకులు. బెయిల్ రాకపోవడంతో మోపిదేవి మరోసారి విచారంలోకి వెళ్లిపోయాడు.