Posted: 11/26/2012 01:50 PM IST

ఈ మధ్య కాలంలో తన ధిక్కార స్వరాన్ని వినిపిస్తూ, వివాదాస్పద వ్యాఖ్యలు చేస్తున్న ప్రముఖ న్యాయవాది, రాజ్యసభ సభ్యుడు రామ్ జెత్మలానీని భారతీయ జనతా పార్టీ ఆదివారం బహిష్కరించింది. ఇది తక్షణం అమల్లోకి వస్తుందని ఆ పార్టీ అధ్యక్షుడు నితిన్ గడ్కరీ చెప్పారు.  శ్రీరాముడుపై చేసిన వివాదాస్పద వ్యాఖ్యలు, తర్వాత పార్టీ అధ్యక్షుడు నితిన్ గడ్కరీని అవినీతిపరుడు అంటూ చేసిన వ్యాఖ్యలు, తాజాగా సిబిఐ ఛీఫ్ నియామకాన్ని బిజెపి వ్యతిరేకిస్తే నియామకంపై పార్టీ అభిప్రాయానికి వ్యతిరేకంగా మాట్లాడారు. జెత్మలానీ అధిష్ఠానం తీరును తప్పుబడుతూ, ఆయన నియామకాన్ని స్వాగతించారు. దీంతో అతని పై వెంటనే చర్యలు తీసుకుంది. అయితే తన పై చర్యలు ఎవరూ తీసుకోరని సవాల్ విసిరిన రామ్ జెత్మలానీ పై గంటలోపే చర్యలు తీసుకోవడం విశేషం.