Posted: 10/29/2012 04:44 PM IST

ఆంధ్రప్రదేశ్ లోని వివిధ జిల్లాలలో నేడు స్వల్ప భూకంపం సంభవించింది. ఈ భూకంప తీవ్రత రిక్టర్ స్కేలు పై 1.8 నుండి 2.3 గా నమోదైంది. రంగారెడ్డి, గుంటూరు, కృష్ణా, ప్రకాశం, నల్గొండ, ఖమ్మం, జిల్లాలో నాలుగు సెకన్ల పాటు భూ ప్రకంపనలు సంభవించడంతో భయభ్రాంతులకు గురైన ప్రజలు ఒక్కసారిగా రోడ్డు పైకి పరుగులు తీశారు. సుమిత్రా దీవిలో చోటు చేసుకున్న ప్రకంపనలు కూడా రాష్ట్రంలోని ప్రకంపనలకు కారణం కావచ్చునని  విజయవాడ భూకంప అధ్యయన కేంద్రం అధికారులు భావిస్తున్నారు. భూ పొరల్లో సర్దు బాట్ల కారణంగా ప్రకంపనలు జరిగినట్లు తెలిపారు. ప్రజలు ఎవరూ ఆందోళ చెందాల్సి అవసరం లేదని చెప్పడంతో ప్రజలు ఊపిరి పీల్చుకున్నారు. - రంగారెడ్డి జిల్లాలోని హయత్‌నగర్

- గుంటూరు జిల్లాలోని పిడుగురాళ్ల, అచ్చంపేట, మాచర్ల ప్రాంతం
- ఖమ్మం జిల్లాలోని చింతకాని, సత్తిపల్లి, మధిర
- నల్గొండ జిల్లాలోని మిర్యాలగూడ, దామచర్ల, తిప్పర్తి, హాలియా, సూర్యాపేట, మేళ్లచెర్వు
- ప్రకాశం జిల్లాలోని ఒంగోలు, దర్శి, అద్దంకి, సంతనూతలపాడు, కందుకూరు ప్రాంతాల్లో భూమి కంపించిందని వివిధ మీడియాల్లో సచాచారం వచ్చింది.