Posted: 09/17/2012 06:52 PM IST

మహిళలూ.. వొళ్లు నొప్పులు, తలనొప్పి అలా వచ్చిందో లేదో.. ఇలా 'ఐబూప్రోఫెన్, పారాసిటమాల్' టాబ్లెట్లు వేసేసుకుంటున్నారా? ఒక్క నిమిషం ఆగండి. ఈ టాబ్లెట్లతో మీరు చెవిటి వారిగా మారే ప్రమాదముందని శాస్త్రవేత్తలు హెచ్చరిస్తున్నారు. వారంలో ఓ రెండు సార్లు ఈ టాబ్లెట్లను మింగిన వారు 13శాతం వినికిడి శక్తిని కోల్పోతున్నట్లు శాస్త్రవేత్తలు తమ పరిశోధనలో గుర్తించారు. ఇక వారంలో ఆరుసార్లు ఐబూప్రోఫెన్ టాబ్లెట్లను తీసుకుంటే.. ఇది 24శాతంగా ఉందని వారు కనుగొన్నారు. వారంలో ఐదు సార్లు పారాసెటమాల్ తీసుకున్న వారిలో వినికిడి శక్తి 21శాతం తగ్గుతుందని తేలింది. అమెరికాలో 62వేల మంది మహిళలపై ఈ పరిశోధన నిర్వహించారు.