Posted: 08/24/2012 11:45 AM IST

అమ్మాయి... కోడలా.. అన్నీ నగలు పెట్టుకొని .. బయటకు పోతున్నవ్ .. బయట .. గొలుసు దొంగలు ఉన్నరమ్మాయి జాగ్రత్త ... ఏం పర్వలేదు అత్తగారు.. బయట మన పోలీసులు చాలా మంది ఉన్నారు.  అనే భరోసాతో కోడలు అత్తగారికి  మాటకు అడ్డుకట్ట వేసింది. కానీ ఆ పోలీసులే  తమ మెడలోని గోలుసు మాయం చేస్తారని ..  ఆ అమ్మాయికి తెలియాదు కాబోలు .. ? దొంగతనం చేసేది దొంగలేనా..? పోలీసులం.. మాకు మాత్రం ఆపాటి లె'సైన్స్', తెలివితేటలు లేవా అని అనుకున్నాడేమో! బెటాలియ న్ కానిస్టేబుల్ ఒకరు చోరావతారం ఎత్తారు. వాలు చూసి మహిళ మెడలోని గొలుసు లాగి పరారయ్యాడు. అయితే, ఖర్మం చాలకనో.. పిక్క బలం చాలకనో స్థానికుల చేతికి చిక్కాడు. ఎంత పోలీసైనా.. కటకటాల వెనక్కి పోక తప్పలే దు. స్థానిక కృష్ణానగర్‌కు చెందిన సుబ్బారావు అద్దెకు ఇల్లు కావాలంటూ వెంకటగిరిలోని అమ్మనమ్మ ఇంటికి వెళ్లాడు. అద్దె గురించి చెబుతున్న అమ్మనమ్మ మెడలోని బంగారుగొలుసును సుబ్బారావు లాక్కొని పరారయ్యాడు. బాధితురాలి అరుపులు విన్న స్థానికులు సుబ్బారావును వెంటాడి పట్టుకున్నారు. దేహశుద్ధి చేసి జూబ్లీహిల్స్ పోలీసులకు అప్పగించారు. విచారణలో ఏపీఎస్పీ 14వ బెటాలియన్‌లో హెడ్ కానిస్టేబుల్‌నని సుబ్బారావు అంగీకరించాడు.