Posted: 08/03/2012 08:34 PM IST

దేశంలో అవినీతి లేకుండా చేసేందుకు , లోక్ పాల్ బిల్లు కోసం ఉద్యమిస్తున్న ప్రముఖ సామాజిక వేత్త అన్నా హజారే ఢిల్లీలోని జంతర్ మంతర్ వద్ద గత 5 రోజులుగా దీక్ష చేస్తున్న విషయం  తెలిసిందే. అయితే ఈ రోజు సాయంత్రం  అన్నా హజారే దీక్షను విరమించారు.. నిన్న అన్నా హజారే  టీం సభ్యులు పార్టీ పెట్టబోతున్నట్లు ప్రకటించిన విషయం తెలిసిందే.  రాజకీయ పార్టీ పెడుతున్నట్లు ప్రకటించారు. లోక్పాల్ బిల్లు ప్రవేశపెడితే తాను రాజకీయాలకు స్వస్తి చెబుతానన్నారు. తాము పెట్టే రాజకీయ పార్టీ ప్రజల పార్టీ అన్నారు. పార్టీకి అధిష్టానం అంటూ ఏమీ ఉండదని చెప్పారు. ప్రజలకు జవాబుదారీగా ఉంటుందన్నారు. తాను ఎన్నికలలో పాల్గొనని చెప్పారు. అవినీతిలో పోరుపై తాను యువత వెంటే ఉంటానని అన్నా ప్రకటించారు. . అన్నా హజారే పార్టీ పేరు ప్రకటించలేదు కానీ పార్టీ పెడుతున్నట్లు మాత్రం ప్రకటించారు. మరి దీనికి ప్రజలు ఎంత వరకు మద్దతు పలుకుతారో చూడాలి.