Posted: 07/31/2012 11:23 AM IST

మనకు కిరాణం దుకాణాలు …... బట్టల దుకాణాలు … .. మందుల దుకాణాలు తెలుసు.... కానీ కౌగిలింతల దుకాణం ఎక్కడైనా చూశారా ? కౌగిలించుకోవడానికి  కూడా దుకాణాలు ఉన్నాయా ? దాని గురించి తెలుసుకోవాలంటే  ఈ స్టోరీ చదవి తీరాల్సిందే..

మనకు నచ్చిన అమ్మాయిని ఒక్కసారి గట్టిగా కౌగిలించుకోవాలని  ఉంటుంది. పార్కుల్లోనో, బహిరంగ ప్రదేశాల్లో ఆని చేయాలంటే మనకు కొద్దిగా సిగ్గుగా ఉంటుంది. కానీ న్యూయార్క్ కి చెందిన ఓ అందాల సుందరి మాత్రం ఎవరినైనా కౌగిలించుకోవడానికి  సిద్దపడుంది. కాకపోతే.. గంటకు 40 డాలర్లు వసూలు చేస్తుంది! అదే మన కరెన్సీలో దాదాపు రూ.2,500! స్నేహితులు, ప్రేయసీ ప్రియుల మధ్యన అనివారమైన కౌగిలింతలు, సాన్నిహిత్యాన్ని కాస్తా ఈ అమ్మడు.. పక్కా వ్యాపారంగా మార్చేసింది.జాక్వెలిన్ శామ్యూల్ అనే యువతి గత నెలలో ఈ 'కౌగిలింత' దుకాణాన్ని ప్రారంభించేసింది. నాజూకైన ఈ సొగసరి.. తనతో ఏకాంతంగా గదిలో గడిపేందుకు 60 డాలర్లను తీసుకొంటుంది. ప్రైవేట్ రూమ్‌లో జరిగే ఈ 'సన్నిహిత' ఉపశమనంలో.. ఆమెతో కలిసి ముడుచుకొని పడుకోవడానికి, కౌగిలింతలతో మాట్లాడుకోవడానికి.. ఇంకా రకరకాల ముచ్చట్లాడేందుకు ఇబ్బందేం లేదు! 'ఎవరూ లేని ఏకాంతం.. ఉన్నది మేమిద్దరమే కదా!' అని.. 'అపరిచితుడు' ఎవరైనా ఉద్రేకపడితే కుదరదు. ఈ గది వెలుపల ఉన్న యువతి కుటుంబ సభ్యులు, సన్నిహితులతో బడితెపూజ ఖాయమౌతుంది. జాక్విలిన్ సేవలు కోరి వచ్చే వారిలో ఎక్కువ మంది పురుషపుంగవులే!

"నాతో సహజంగా గడిపేందుకు అభ్యంతరం లేదు. కామం కోసం ప్రేరేపణ చేయడం మాత్రం నిషిద్ధం'' అని ఈ కౌగిళ్లరాణి తెలిపింది. "హత్తుకోవడం.. సెక్స్ కాదు. ఈ విషయమై సూటిగానే మాట్లాడతాను. ముడుచుకొని పడుకోవడం అంటే నాకెంతో ఇష్టం. అదెంతో బాగుంటుంది.'' అని పలికింది. 'సంకేత శాస్త్రాన్ని' అధ్యయనం చేసిన ఈ యువతి.. 'కౌగిలింత' సేవలు ప్రారంభించడానికి గల నేపథ్యాన్ని వివరించింది. "'స్పర్శ' ద్వారా ఉపశమనం, ఊరట పొందే అలవాటు అమెరికన్లలో అంతగా లేదు. కొన్ని నిమిషాలపాటు కౌగిలింత వల్ల ఒత్తిడి నుంచి విముక్తి పొందుతారన్న విశ్వాసంతోనే నేను ఈ వృత్తిని ప్రారంభించాను.'' అని వెల్లడించారు.. మరి మీకు కౌగిలించుకోవాలని  ఉంటే వెంటనే వెళ్లి ఉపశమనం పొందండి.