Posted: 06/30/2012 12:34 PM IST

రీకాకుళం జిల్లాలలోని చిలకపాలెంలో ఉన్న నాగార్జున ఆగ్రో కెమికల్ ఫ్యాక్టరీలో ఈ రోజు ఉదయం భారీ పేలుడు సంభవించింది. ఈ పేలుడుతో అక్కడ భారీగా మంటలు వ్యాపించాయి. ఈ ప్రమాదంలో 5గురు కార్మికులు అక్కడిక్కడే మరణించినట్లు సమాచారం. ఇంకా 40 మందికి తీవ్రగాయలు అయినట్లు సమాచారం. పేలుడు సంభవించిన సమయంలో యంలో 60 మంది కార్మికులు పనిచేస్తున్నట్లు తెలుస్తోంది. గాయపడిన వారిని చికిత్స నిమిత్తం రిమ్స్ ఆసుపత్రికి తరలించి చికిత్స అందిస్తున్నారు.

పేలుడు దాటికి అక్కడ పనిచేస్తున్న మిగతా కార్మికులు ఒక్కసారిగా పరుగులు తీశారు. ఈ ప్రమాదంలో ఆ ప్రాతం అంతా దట్టమైన పొగ కమ్ముకుంది. ఫ్యాక్టరీలోని మూడు నాలుగవ అంతస్థులకు కూడా మంటలు వ్యాపించినట్లు సమాచారం. ఈ విషయం తెలుసుకున్న వెంటనే అగ్ని మాపక సిబ్బంది సంఘటనా స్థలానికి చేరుకొని మంటలను అదుపుచేసే పనిలో ఉన్నారు. కానీ మంటలు ఇంకా అదుపులోకి రాలేదు. కంపెనీలోని మిగతా రియాక్టర్ లు కూడా పేలుతాయోమోనని భయపడిపోతున్నారు. ఈ ప్రమాదంలో భారీ ఆస్టినష్టం, ప్రాణ నష్టం కూడా జరిగినట్లు సమాచారం. ఈ సంఘటన పై సీఎం దిగ్బాంతి వ్యక్తం చేశారు. బాధితులకు మెరుగైన వైద్యం అందేలా చాడాలని కలెక్టర్ లకు ఆదేశాలు జారీ చేశాడు.