Posted: 06/12/2012 02:42 PM IST

ఈ సమాజంలో డబ్బుకు విలువ లేకుండా పోతుంది. కొందరు పేదరికంలో మగ్గుతుంటే, కొందరికి మాత్రం డబ్బు ఎక్కువై వాటిని చిత్తుకాగితాల మాదిరి చించి, బస్తాలలో పెట్టి పడేసేంత. బళ్లారి నగర శివార్లలోని బెంగళూరు రోడ్డు ఇండస్ట్రియల్ ఏరియాలోని కృష్ణా ఇండస్ట్రీస్ గోదాములో సుమారు 100 బస్తాల్లో చినిగిన కరెన్సీ నోట్లను పోలీసులు సోమవారం రాత్రి స్వాధీనం చేసుకున్నారు. గోదాములో కరెన్సీ నోట్ల బస్తాలు నిల్వ చేసినట్లు సమాచారం అందడంతో పోలీసులు కృష్ణా ఇండస్ట్రీస్‌లో సోదా చేసి చినిగిన కరెన్సీ నోట్ల బస్తాలను పట్టుకున్నారు. అయితే చినిగిన కరెన్సీ నోట్లతో ఫ్లైవుడ్ తయారు చేసేందుకు అధికారికంగా తీసుకొచ్చినట్లు గోదాము యజమాని పోలీసులతో చెప్పాడు. అయితే ఈ సంఘటన చూసిన వారు మాత్రం గాలి జనార్థన్ రెడ్డికి సంబంధించినదై ఉండవచ్చునని అనుమానం వ్యక్తం చేస్తున్నారు.