Posted: 05/12/2012 03:34 PM IST

మొబైల్ హ్యాండ్‌సెట్లకు డిమాండ్‌కు సంబంధించి ఐసీఏ అంచనాలను మంత్రి ఆ సమాధానంలో వివరించారు. భారత్‌లో 2014లో మొబైల్ ఫోన్లకు డిమాండ్ 25 కోట్లకు పెరుగుతుందని ఇండియన్ సెల్యులర్ అసోసియేషన్(ఐసీఏ) అంచనా వేస్తోంది. ఈ మొబైళ్ల విలువ రూ.54,000 కోట్లు ఉంటుందని ఐసీఏ తెలిపిందని కమ్యూనికేషన్స్, ఐటీ శాఖ సహాయ మంత్రి మిలింద్ దేవ్‌రా రాజ్యసభలో లిఖితపూర్వకంగా ఇచ్చిన సమాధానంలో పేర్కొన్నారు.  ప్రస్తుత సంవత్సరంలో 20 కోట్ల మొబైళ్లకు (వీటి విలువ రూ.43,000 కోట్లు) డిమాండ్ ఉంటుంది. 2013లో ఈ డిమాండ్ 22.5 కోట్లకు(రూ.48,200 కోట్లు)కు పెరుగుతుంది. ఇక 2010లో హ్యాండ్‌సెట్లకు డిమాండ్ 15 కోట్లుగా(రూ.34,500 కోట్లు) ఉండగా, 2011లో ఈ డిమాండ్ 18 కోట్లకు(రూ.38,200 కోట్లు) పెరిగింది. కాగా గత ఏడాది కాలం నుంచి స్మార్ట్ ఫోన్ల ద్వారా ఇంటర్నెట్ యాక్సెస్ రెట్టింపు అయిందని స్టాట్‌కౌంటర్ గ్లోబల్ స్టాట్స్ నివేదిక తెలిపింది. గత ఏడాది 4.3 శాతంగా ఉన్న మొబైళ్ల ద్వారా ఇంటర్నెట్ యాక్సెస్ ఈ ఏడాది 8.5 శాతంగా ఉంటుందని పేర్కొంది.