Posted: 05/03/2012 01:18 PM IST

      ఉపఎన్నికలు జరిగే ప్రాంతాల్లో నోట్ల కట్టలు గంపల కొద్దీ దొరుకుతున్నాయి.  ఎన్నికల కోడ్ అమల్లోకి రావడంతో అధికారులు ఈ మనీ మీద ప్రత్యేక దృష్టి సారించారు. చెక్ పోస్టుల దగ్గర పోలీసులు కట్టుదిట్టమైన భద్రతా చర్యలు చేపట్టారు. ఉప ఎన్నికలయ్యే  జిల్లాల్లో వివిధ జిల్లాల్లో పోలీసులు చేపట్టిన తనిఖీల్లో సుమారు ఎనభై లక్షల నగదు స్వాధీనం చేసుకున్నారు. ఒక్క తిరుపతిలోనే బస్టాండులో అనుమాన స్పదంగా తిరుగుతున్న ఇద్దరి దగ్గర 72లక్షల అరవై ఐదు వేల నగదు పట్టుకున్నారు.  మరోవైపు కర్నూలు జిల్లా ఎమ్మిగనూరు ఆదోని బైపాస్ రోడ్డులో కారులో తరలిస్తున్న మూడున్నర లక్షల నగదు దొరికింది. కర్నాటక నుంచి వస్తున్న కారును తనిఖీ చేయగా నగదు బయటపడింది. అనంతపురం బైపాస్ రోడ్డులో కూడా మూడున్నర లక్షల నగదు పట్టుబడింది. మరోవైపు ప్రకాశం జిల్లా కందుకూరులో ఓ షోరూంలో సుమారు తొంభై పచ్చబైకులను పోలీసులు స్వాధీనం చేసుకున్నారు. ఇవన్ని ఎన్నికల ప్రచారానికి ఉపయోగించేందుకేనా అనే కోణంలో దర్యాప్తు చేస్తున్నారు. మొత్తం గా ఎన్నికలు జరిగే అన్నిచోట్లా డబ్బు పెద్దమొత్తంలో పట్టుబడుతోంది.

...avnk