Posted: 04/30/2012 12:57 PM IST

       అకాల వానలతో ఆయువు అభాగ్యుల ఆయువు ఆగిపోయింది. ఒకవైపు మండే ఎండలతో వడగాల్పులకు పలువురు బలవుతుంటే, ఉన్నట్టుండి మరోవైపు ఈదురుగాలులు వర్షాలకు తోటు పిడుగులు పడి నిన్న మొత్తంగా (ఆదివారం) ఒక్కరోజునే 20 మంది ప్రాణాలు కోల్పోయారు.  ఆదివారం కృష్ణా, గుంటూరు, ప్రకాశం, ఖమ్మం, వరంగల్ జిల్లాల్లో పిడుగుపాటుకు 20 మంది ప్రాణాలు కోల్పోయారు. వీరిలో గుంటూరులో మాత్రం అత్యధికంగా 11 మంది పిడుగుబారిన పడ్డారు. ఇంకా రెండు రోజుల పాటు వర్షాలు కురవనున్నట్లు వాతావరణ కేంద్రం అధికారులు హెచ్చరిస్తున్నారు. కోస్తా జిల్లాలను వర్షాలు వణికిస్తున్నాయి. కాగా అకాల వర్షాలతో చేతికందివచ్చిన పంట దెబ్బతిని రైతులు కుదేలవుతున్నారు. వందలాది ఎకరాల్లో మామిడి, మిర్చి, అరటి, మొక్కజొన్న, నిమ్మ, బార్లీ తదితర పంటలకు భారీనష్టం వాటిల్లింది.
       ఇదిలా ఉండగా, రాష్ర్టంలో అకాల వర్షాలు, పిడుగుపాటు కారణంగా మృతిచెందిన వారి కుటుంబాలకు సత్వరమే పరిహారం అందేలా చర్యలు తీసుకోవాలని అధికారులను ముఖ్యమంత్రి కిరణ్ కుమార్ రెడ్డి ఆదేశించారు. నిన్న కురిసిన వర్షాలు, పిడుగుపాటుపై ప్రభుత్వ ప్రధాన కార్యదర్శి పంకజ్ ద్వివేదితో సీఎం ఈరోజు సమీక్ష నిర్వహించారు. ఆయా జిల్లాల అధికారులను అప్రమత్తం చేయాలని సీఎం ఆదేశించారు. నిన్న (ఆదివారం) పలు జిల్లాల్లో పిడుగులు పడి 18 మంది మృతి చెందారు. అకాల వర్షాలు రైతులకు అంతులేని నష్టాన్ని మిగిల్చాయి. ఈ అకాల వానలకు ప్రాణ నష్టంతో పాటు విపరీతమైన ఆస్తినష్టం వాటిల్లింది. అనంతరం సీఎం, బొత్స ఉపఎన్నికల కసరత్తులో భాగంగా ఢిల్లీకి పయనమయ్యారు.

...avnk