Posted: 04/19/2012 03:25 PM IST

గుంటూరు జిల్లా చిలకలూరిపేటకు చెందిన జక్కంపూడి సీతారామారావు 70 ఏళ్ళ వయస్సులో వైద్యవృత్తికి గుడ్‌బై చెప్పి న్యాయవాద వృత్తిలోకి అడుగుపెట్టారు. ఆయన స్వగ్రామం చిలకలూరిపేట మండలం పసుమర్రు. సీతారామారావు కాకినాడ రంగరాయ మెడికల్ కళాశాలలో ఎంబీబీఎస్ చదివి 1967లో పట్టా పొందారు. చిలకలూరిపేటలో 1969 నుంచి 2004 వరకు వైద్య వృత్తిలో కొనసాగారు. ఆయనకు లా చదవాలనే ఆలోచన వచ్చింది. 2006లో లాసెట్ ద్వారా ర్యాంక్ పొంది గుంటూరు ఏసీ కళాశాలలో మూడేళ్లపాటు ఎల్ఎల్‌బీ చదివి పట్టా పొందారు. గుంటూరు బార్ అసోసియేషన్‌లో సభ్యునిగా చేరేందుకు వెళ్లిన ఆయనకు ఎంబీబీఎస్ పట్టా రద్దు చేసుకుంటేనే లాయర్ వృత్తిలోకి అడుగిడడానికి అవకాశం ఉంటుందని తెలిసింది. వెంటనే ఇండియన్ మెడికల్ కౌన్సిల్ వారికి తన ఎంబీబీఎస్ పట్టాను రద్దు చేసుకుంటున్నట్టు లిఖిత పూర్వకంగా తెలిపారు. అనంతరం నాగార్జున వర్సిటీ నుంచి ఎల్ఎల్ఎం ఉత్తీర్ణులయ్యారు.