Posted: 04/07/2012 06:28 PM IST

పాకిస్తాన్ చరిత్రలో మరో ఘోరమైన ప్రమాదం సంభవించింది. భారత్ – పాక్ సరిహద్దు ప్రాంతమైన సియాచిన్ ప్రాంతంలో గస్తీలో ఉన్న 135 మంది పాకిస్తాన్ సైనికులు మంచు చరియలు విరిగిపడి సమాధి అయినట్లు వార్తలు అందుతున్నాయి.

ఈ దుర్ఘటన శనివారం ఉదయం సుమారు 5. 45 నిమిషాలకు చోటుచేసుకున్నట్లు సంబంధిత అధికారి ఒకరు తెలిపారు. అంతేకాదు… సియాచిన్ సరిహద్దు ప్రాంతంలో పాకిస్తాన్ సైనికులే కాదు… భారతదేశం సైనికులు కూడా గస్తీ చేస్తుంటారని వెల్లడించారు.

సముద్ర మట్టానికి సుమారు 6, 400 మీటర్ల ఎత్తులో ఉన్న ఈ భాగంలో భారత్ – పాకిస్తాన్ దేశాలు రెండూ పెద్ద ఎత్తున సైనిక దళాలను మోహరింపు గత రెండు దశాబ్దాలుగా జరుగుతూనే ఉన్నది. కాగా మంచు చరియలు కింద ఇంకా మరికొందరు చిక్కుకుని ఉండవచ్చని తెలుస్తోంది. వీరిని రక్షించేందుకు పాకిస్తాన్ సైనిక దళాలు హుటాహుటిన సంఘటనా స్థలానికి చేరుకున్నాయి.