Posted: 04/03/2012 08:20 PM IST

అమెరికాలో ఓ ఉన్మాది జరిపిన కాల్పుల్లో ఏడుగురు విద్యార్థులు మృతి చెందారు. స్థానికంగా ఉన్న కాలిఫోర్నియా యూనివర్సిటీలోని ఒక తరగతి గదిలోకి ప్రవేశించి విద్యార్థులందరిని లేచి గోడకు వ్యతిరేకంగా నిల్చొమన్నారు. అంతలోనే వారిపై కిరాతకంగా కాల్పులు జరిపారు. దీంతో అక్కడికక్కడే ఐదుగురు విద్యార్థులు దుర్మరణం చెందగా, మరో ఇద్దరు ఆస్పత్రిలో చికిత్స పొందుతూ మృతి చెందారు. ఈ ఘటనలో భారతీయ విద్యార్థి అయిన దావీందర్ కౌర్(19)కు మోచేతి వద్ద గాయాలు అయ్యాయి. కాల్పులు జరిపిన ఉన్మాదిని స్థానిక పోలీసులు పట్టుకున్నారు. ఈ సంఘటనతో అక్కడి వారు ఒక్కసారిగా షాక్ కు గురయ్యారు.