Posted: 03/29/2012 12:25 PM IST

కాంగ్రెస్‌కు కె.సి.ఆర్‌. అమ్ముడుపోయారని అందుకే నిన్న మధ్యాహ్నం సభలో కనిపించలేదని తెలుగుదేశం పార్లమెంటరీ పార్టీ నాయకుడు నామా నాగేశ్వరరావు విమర్శించారు. కె.సి.ఆర్‌తో పాటు కాంగ్రెస్‌ పార్లమెంటు సభ్యులు కూడా నిన్న మధ్యాహ్నం జరిగిన లోక్‌సభ చర్చలో కనిపించలేదని, తెలుగుదేశం సభ్యులమైన మేము అడ్డుకున్నామని నామా తెలిపారు.

ఏదో ప్రజలను మభ్యపెట్టడానికి, పార్లమెంటరీ రూల్స్‌ ప్రకారం తన సభ్యత్వం రద్దు అవుతుందనే భయంతో మాత్రమే ఢిల్లీ వచ్చి పార్లమెంటుకు ముఖం చూపి లోక్‌సభ హాజరు పట్టికలో సంతకం చేస్తారంటూ అదిలాబాద్‌ పార్లమెంటు సభ్యులు రమేష్‌ రాథోడ్‌, నామా నాగేశ్వరరావులు దుయ్య బట్టారు. తెలంగాణలో అనేక మంది సభ్యులు చనిపోతే కనికరం లేకుండా ఢిల్లీలో దోబూచులాడుతున్న కాంగ్రెస్‌, కె.సి.ఆర్‌ల పరిస్థితి ప్రజలు అర్థం చేసుకుంటారని రాథోడ్‌, నామాలు అన్నారు.