Posted: 02/25/2012 06:14 PM IST

ఆంధ్రప్రదేశ్ రాష్ట్ర రాజధాని హైదరాబాద్ లో ఓ హోటల్ భవనం కుప్పకూలింది. జీహెచ్ఎంపీ  అధికారుల నిర్లక్ష్యానికి నిండు ప్రాణాలు గాల్లో కలిశాయి. సికింద్రాబాద్ లోని  మోండా మార్కెట్ ప్రాంతంలో ఉన్న పంజాబ్ బార్ అండ్ రెస్టారెంట్ భవనం ఒక్కసారిగా కూలిపోయింది. నిత్యం రద్దీగా ఉండే ఈ ప్రాంతంలో భవనం ఒక్కసారిగా కూలడంతో చుట్టు ప్రక్కల జనాలు భయ భ్రాంతులకు గురయ్యారు.

గత కొద్ది రోజుల నుండి ఆ హోటల్ ని మూసివేసి శిధిలావస్థలో ఉన్న పాత భవనానికి మరమత్తులు చేస్తున్నారు. ఈ మరమత్తులు చేస్తున్న సమయంలో ఈ భవనం ఒక్కసారిగా కూలినట్లు తెలుస్తుంది. ఈ సంఘటనలో ఇద్దరు పుట్ పాత్ వ్యాపారులతో సహా ఆ భవనంలో పని చేస్తున్న కార్మికులు ప్రాణాలు కోల్పోయినట్లు సమాచారం. ఈ విషయం తెలుసుకున్న అధికారులు, పోలీసులు సంఘటనా స్థలానికి చేరుకుని సహాయక చర్యలు చేపట్టారు. భవన శిధిలాల్లో ఇంకా చాలా మందే ఉండి ఉంటారని అక్కడి వారు చెబుతున్నారు. శిధిలాలు తొలగిస్తే మృతుల సంఖ్య పెరిగే అవకాశం ఉ:ది.

ఈ సంఘటనతో జీహెచ్ఎంసీ అధికారుల డొల్లతనం బట్టబయలు అయింది. ఇప్పటికైనా తేరుకొని నగరంలోని శిధిలావస్థ భవనాలకు గుర్తించి ప్రమాదాలను అరికట్టవలసిందిగా ప్రజలు కోరుతున్నారు.