Posted: 11/27/2011 11:36 AM IST

విశాఖ జిల్లా చోడవరంలో జరిగి సీపీఐ 21 మహాసభల్లో సీపీఐ నారాయణ సంచలన వ్యాఖ్యలు చేశారు. యూపీఏ సర్కారు కుంభకోణాలకు గానూ.... ప్రధానిని ఉరితీయాలని కొన్నాళ్ళుగా విమర్శల దాడి చేస్తున్న నారాయణ ఈసారి తన వాడి పెంచి... ‘‘నాకే గనుక అధికారం ఇచ్చి ఉంటే... దేశంలో లక్షల కోట్ల రూపాయల కుంభకోణాలు జరుతున్నా... చూస్తూ ఊరుకున్న ప్రధాని మన్మోహన్ సింగ్ ని ‘‘కరెంట్ స్తంభానికి కట్టి ఉరి తీసేవాణ్ని’’ అని వాక్యానించారు.

ప్రజా వ్యతిరేఖ విధానాలను మానుకోని పక్షంలో.... రాష్ట్ర ప్రభుత్వం బట్టలూడదీసి... తరుముతామని హెచ్చరించారు. రిటైల్ రంగంలో విదేశీ పెట్టుబడుల వల్ల లక్షలాది మంది చిరు వ్యాపారులు జీవనోపాధి కోల్పోయే ప్రమాదం ఉందని నారాయణ ఆందోళన వ్యక్తం చేశారు.
సీపీఐ నారారాయణ ఎంత రాజకీయ నాయకుడైనా, ప్రజా సమస్యల పై పోరాడే వాడు అయినా ఒక దేశ ప్రధానిని పట్టుకొని అంతంత మాటలు అనడం ప్రజాస్వామ్యానికే చెంపపెట్టు అని అంటున్నారు విశ్లేషకులు.