ప్రస్తుతకాలంలో వున్న యువతీయువకులు చాలావరకు ప్రేమవివాహాల మీదే ఎక్కువ ఆసక్తి చూపుతారు. తమకిష్టమైనవారిని తామే ఎంచుకుని, వారికి సంబంధించిన ఇష్ట-అయిష్టాల గురించి ముందే తెలుసుకుంటారు. వారు తమను జీవితాంతం సుఖపెడతారా లేదా అన్న విషయాలలో దర్యాప్తులు తామే స్వయంగా చేపడతారు. ఒకవేళ వారిద్దరూ ప్రేమలో సఫలమయితే చివరికి పెద్దవాళ్లను అంగీకరించి పెళ్లిళ్లు చేసుకుంటారు.
కానీ మన భారతదేశంలో ఇప్పటికీ కొందరు యువతీయువకులు పెద్దలు కుదర్చిన వివాహాలను చేసుకోవడానికి చాలా ఇష్టపడతారు. పెద్దల అనుబంధాలు కలుసుకున్న తరువాత పరస్పరం పెళ్లి కార్యక్రమాలను చేపడుతున్నారు. అయితే ఇటువంటి పెద్దలు కుదిర్చిన వివాహాలలో భాగస్వాములు ఇద్దరు కలుసుకోవడం కష్టం అవుతుంది. వారి ఇష్టాలగురించి, వారి స్వభావాల గురించి, వారి మనస్తత్వం గురించి సంబంధించిన విషయాలు చాలా తక్కువగా తెలుస్తుంది.
అరేంజ్డ్ మ్యారేజ్ లో అనుకోని అనుభవాలు ఎదురవుతుంటాయి. అదృష్టవంతులయిన వారికి తమకిష్టమైన భాగస్వాములు దొరుకుతారు... లేదా జీవితంలో సర్దుబాట్లు చేసుకుంటూ, ఒకరికొకరు ఒప్పందాలు చేసుకుంటూ గడపాల్సి వస్తుంది. మరికొందరు భాగస్వాములయితే తమకు తెలియకుండా ప్రేమించుకుంటూ అది పరస్పరం అభివృద్ధి చెందుతూపోతుంది.
అరేంజ్డ్ మ్యారేజ్ చేసుకున్నవాళ్లు జీవితాంతం సుఖంగా గడపాలంటే ఒకరినొకరు బాగా తెలుసుకోవాలి. ఇష్టాయిష్టాల గురించి తెలుసుకోవాలి. వారి మనస్తత్వం గురించి తెలుసుకోవాల్సి వుంటుంది. ఇద్దరికి ఒకరిమీద ఇంకొకరికి ప్రేమ కలగాలంటే ఇద్దరి మధ్య వున్న దూరంగాన్ని తగ్గించుకోవాలి. పరస్పరం కలుసుకుంటూ తమ భావాలను వ్యక్తం చేసుకుంటే వివాహనంతరం సుఖంగా తమ జీవితాన్ని గడపవచ్చు.
అరేంజ్డ్ మ్యారేజ్ చేసుకునేవాళ్లు తమ జీవిత భాగస్వామ్యం గురించి తెలుసుకోవాలంటే కొన్ని పాటించాల్సిన కొన్ని చిట్కాలు :
స్నేహితులు : ప్రస్తుతకాలంలోని యువతీయువకులు తమ భావాలను, ఇష్టాయిష్టాలను, సీక్రెట్స్ గురించి తమ స్నేహితులతో పంచుకుంటారు. కాబట్టి మీరు మీ భాగస్వామి గురించి తెలుసుకోవాలంటే ముందుగా వారి స్నేహితులను పరిచయం చేసుకోవాలి. అప్పుడే వారి వ్యక్తిత్వం గురించి మీకు తెలుస్తుంది.
అదేవిధంగా వారి స్నేహితులతో మీ భాగస్వామికి సంబంధించిన కాలేజి విషయాలు, తరుచుగా విహరించే ప్రదేశాలు, వారి గత సంబంధాలు జాబితా గురించి తెలుసుకునే అవకాశం వుంటుంది.
సోషల్ వెబ్ సైట్స్ : నేటి యంగ్ జనరేషన్ లో తక్కువ కాలంలోనే సోషల్ నెట్ వర్కింగ్ సైట్స్ ఎంతో అభివృద్ధి చెందాయి. ఇందులో ప్రతిఒక్కరికి కావాల్సిన అన్ని విషయాల గురించి మీరు తెలుసుకోవచ్చు. ఇటువంటి సోషల్ నెట్ వర్కింగ్ సైట్ లో మీ జీవిత భాగస్వామికి సంబంధించిన ఐడీ గాని, లేదా వారి స్నేహితుల ఐడీలు కాని ఖచ్చితంగా వుంటాయి.
అప్పుడు మీరు అందులో పరిశోధించి ప్రయత్నించి చూడండి. దీనిద్వారా మీరు ఆమె స్నేహం చేసి, వారి వ్యక్తిత్వం గురించి తెలుసుకునే అవకాశం వుంటుంది. వారి ఇష్టాల జాబితాను తెలుసుకునే ఆస్కారం వుంటుంది.
బంధువులు : పెద్దలు కుదిర్చిన వివాహంలో మీ జీవిత భాగస్వామి గురించి వారి బంధువులు లేదా వారి తోబుట్టువుల నుంచి ఇంకా బాగా తెలుసుకోవచ్చు. వారి చిన్ననాటి జ్ఞాపకాలను, వారి అలవాట్లను వారి సోదరుల ద్వారా లేదా బంధువుల ద్వారా తెలుసుకోవచ్చు. అలాగే వారి కుటుంబచరిత్ర కూడా తెలుసుకునే అవకాశం వుంటుంది.
అత్తమామలతో స్నేహం : మీరు పెళ్లి చేసుకోబోయే జీవిత భాగస్వామి గురించి ఇంకా బాగా తెలుసుకోవాలనుకుంటే మీరు నేరుగా మీ అత్తమామలతో స్నేహం చేసుకోవచ్చు. ఇది ఎంతో ఉత్తమమైన ఉపహారం. మీరు మీ అత్తమామలతో స్నేహాపూర్వకంగా వుంటే మీరు మీ భాగస్వామి రోజువారి పనులు, ఇష్టమైన వంటకాలు, వారి వ్యక్తిత్వం మొదలైన అంశాల గురించి క్లుప్తంగా తెలుసుకోవచ్చు.
(And get your daily news straight to your inbox)
Apr 25 | ప్రేమ... ప్రస్తుతకాలంలో ఇది కంప్యూటర్ లో వైరస్ పాకిపోయినట్లుగా ప్రపంచం నలుమూలలా వ్యాపించిపోయింది. 7వ తరగతి నుంచి విద్యార్థివిద్యార్థినులు ప్రేమించుకుంటున్నామంటూ తమ పెద్దలనే ఎదురిస్తుంటారు. ప్రేమిస్తున్నవారికి ఎలాగైనా దక్కించుకోవాలని తమ ఇంట్లోవున్నవారిగురించి, వారి ప్రేమను... Read more
Apr 22 | సాధారణంగా అబ్బాయిలు తమ మనసులోని భావాలను ప్రియురాలికి వ్యక్తపరచడానికి రకరకాల పద్ధతులను అనుసరిస్తారు. ప్రియురాలు ఎక్కడికి వెళితే అక్కడికి వెళ్లడం, ప్రతి రోజూ ఆమెను వెంబడించడం, ప్రేమ లేఖలు రాయడం, తనకు నచ్చిన గిఫ్ట్... Read more
Apr 09 | సాధారణంగా ప్రేమ వ్యవహారాలు స్నేహం నుంచే మొదలవుతాయి. ఎవరైనా ఒకరు నచ్చినప్పుడు వారితో ముందుగా స్నేహం చేసుకుంటారు. ఆ తరువాత తమలో వున్న భావాలను, ఇష్టాయిష్టాలను తెలుసుకుని, అనుకోకుండా ప్రేమలో పడిపోతారు. ఇటువంటి వ్యవహారాలు... Read more
Apr 05 | ప్రస్తుతకాలంలో ప్రేమ అనే విషయం సర్వసాధారణం అయిపోయింది. పిల్లల నుంచి పెద్దలవరకు ప్రతిఒక్కరు ఎవరినిపడితే వారిని ప్రేమించేసుకుంటున్నారు. ఎవరైనా ఒక అమ్మాయి నచ్చితే చాలు... అప్పటికప్పుడే వెళ్లి ఐ లవ్ యూ చెప్పేస్తారు. అదేవిధంగా... Read more
Apr 02 | సాధారణంగా ఏదైనా ఒక వ్యక్తితో పరిచయం అయినప్పుడు ముందు అది స్నేహంగా మారుతుంది. క్రమక్రమంగా వారితో నిత్యం కలుస్తుండడం, మాట్లాడుతుండడంతో అది ప్రేమగా మారిపోతుంది. అలా వారిమధ్య ప్రేమ చిగురించి, తరువాత పెళ్లి చేసుకుంటారు. ... Read more