వాస్తుశాస్త్రంప్రకారం స్నానం ఎలా చేయాలి..?

Posted: 05/01/2014 06:19 PM IST

ప్రతిరోజు అందరు ఉదయాన్నే లేవగానే రోజువారీ కార్యక్రమాలు ముగించుకున్న తరువాత స్నానాలు చేసుకుంటారు. ప్రతిరోజు స్నానాలు చేయడంతో ఆరోగ్యంగా వుండటమే కాకుండా.. మన అందాన్ని మరింత పెంపొందించుకోవచ్చు. అయితే వాస్తుశాస్త్రం ప్రకారం స్నానం చేసేటప్పుడు కొన్ని నియమనిబంధనలను తప్పకుండా పాటించాల్సి వస్తుంది. అలా కాకుండా స్నానం చేస్తే.. ఆరోజు ఏదో ఒక అశుభం జరుగుతుందని వాస్తు నిపుణులు బల్లగుద్దిమరీ చెబుతున్నారు.

వాస్తుప్రకారం స్నానం చేసేటప్పుడు పాటించాల్సిన నియమాలు...

1. కొంతమంది స్నానాలు చేసే సమయంలో తమ అంగం మీద ఒక్క బట్ట కూడా లేకుండా చేసుకుంటారు. కానీ అలా ఎప్పటికీ చేయకూడదని పురోహితులు చెబుతున్నారు. ఆడవాళ్లు స్నానం చేసేటప్పుడు తమ ఛాతి భాగం నుంచి మోకాళ్లవరకు టువాలు ఖచ్చితంగా కట్టుకోవాలని చెబుతన్నారు. అలాగే మగవారు తమ నాభి నుంచి మోకాళ్లవరకు లుంగీని లేదా టువాలును ఖచ్చితంగా చుట్టుకోవాలి.

2. స్నానం చేసే సమయంలో ముఖాన్ని తూర్పు లేదా ఉత్తరం వైపుగా వుంచి చేయాలని అప్పట్లోనే జ్యోతిష్య నిపుణులు వాస్తుశాస్త్రం ప్రకారం వెల్లడించారు. ఇలా చేస్తే శుభ ఫలితాలు కలుగుతాయి.

3. అలాగే స్నానపు గదులను తూర్పు ఆగ్నేయంవైపుగానీ, దక్షిణ ఆగ్నేయంవైపుగానీ, ఉత్తర వాయవ్యంవైపుగానీ, పడమర వాయవ్యంవైపుగానీ వుండేటట్లుగా చూసుకుని... ప్రహరీ గోడలను, ఇంటిని తాకకుండా వుండేలా జాగ్రత్తలు తీసుకుంటే అన్ని విధాలుగా శ్రేయస్కరంగా వుంటుంది.

4. స్నానపు గదులను ఈశాన్య దిక్కులో ఎటువంటి పరిస్థితుల్లోనూ నిర్మించుకుకోకూడదని నిపుణులు పేర్కొంటున్నారు. ఒకవేళ అలా కాకుండా నిర్మిస్తే.. ప్రతిఒక్క పనిలో అశుభం జరుగుతుందని వారు చెబుతున్నారు.

5. అదేవిధంగా స్నానపు గదుల ముఖద్వారాలను తూర్పు లేదా ఉత్తరంవైపు మాత్రమే వుండేలా నిర్మించుకోవాలని వాస్తుశాస్త్రం ప్రకారం జ్యోతిష్య నిపుణులు, పండితులు, పురోహితులు సూచిస్తున్నారు.