వేసవికాలం వచ్చిందంటే చాలు... చాలామంది ఇంటి నుంచి బయటకు రావడమే మానేస్తారు. వేసవిలో భూమి, సూర్యునికి కొద్ది దగ్గరగా వెళతాడు. దాంతో సూర్యుని ప్రతాపం భూమి ఎక్కువ అవుతుంది. సూర్యుని నుంచి వెలువడే కిరణాలు నేరుగా మానవుని మీద పడటం వల్ల.. అతనిలో కూడా వేడి ఎక్కువవుతుంది. ఫలితంగా శరీరంలో వున్న కొవ్వు పదార్థాలు చెమట రూపంలో బయటకు వచ్చేస్తాయి. ఈ విధంగా కొవ్వు చెమట రూపంలో బయటకు రావడం వల్ల శరీరం మొత్తం దుర్వాసను వస్తుంటుంది. అంతేకాకుండా మన చుట్టూపక్కల వున్న వాతావరణ కలుషిత పదార్థాలు, దుమ్ము, ధూళి మొత్తం మన శరీరం నుంచి వెలువడిన చెమటలో కలిసిపోయిన, మరింత దుర్వాసనను సృష్టిస్తాయి.

ఇటువంటి సమస్య నుంచి బయటపడడానికి కేవలం డియోడరెంట్స్ గానీ, ఇతర క్రీములను వాడటం వల్ల గానీ ఉపయోగించడం వల్ల ఎటువంటి ప్రయోజనం వుండదు. ఇవి కేవలం తాత్కాలిక ఉపశమనాన్ని మాత్రమే కలిగిస్తాయి. కాబట్టి చెమట దుర్వాసనను శాశ్వతంగా తొలగించుకోవడానికి వైద్యనిపుణులు మనకు కొన్ని హోమ్ రెమెడీస్ ను ప్రవేశపెడుతున్నారు. వాటిని తూచాతప్పకుండా పాటిస్తే.. చెమట బారి నుంచి విముక్తి పొంది తాజాగా వుండొచ్చు.

వేసవిలో చెమట దుర్వాసన నుంచి బయటపడే సాధారణ హోమ్ రెమెడీస్ :
1. వ్యక్తిగత పరిశుభ్రత : వేసవికాలంలో శరీరం నుంచి చెమల విడుదల అవడం సాధారణ విషయమే. అయితే మన శరీరం మొత్తం చుట్టూ స్వేదగ్రంథులు వుండటం వల్ల చెమట నుంచి దుర్వాసన ఏర్పడుతుంది. సాధారణ కాలంలో ఇవి శరీరాన్ని చల్లగా వుంచేందుకు సహాయడుతాయి. కానీ వేసవిలో వేడి ఎక్కువగా వుండటం వల్ల, మాయిశ్చరైజర్ వల్ల బ్యాక్టీరియాలు ఏర్పడటానికి కారణం అవుతుంది. ఫలితంగా శరీరం దుర్వాసనగా మారుతుంది. అటువంటి సమయాల్లో ప్రతిరోజూ ఉదయం ఒకసారి, సాయంత్రం ఒకసారి చొప్పున రోజుకు రెండుసార్లు స్నానం చేస్తే.. మన శరీరం చుట్టూ వున్న స్వేదగ్రంథులు కూడా శుభ్రం అవుతాయి. దాంతో శరీర దుర్వాసన కూడా పూర్తిగా నివారించబడుతుంది.

2. సరైన దుస్తులు ధరించడం : నేచురల్ ఫైబర్ తో తయారుచేసిన దుస్తులను గానీ, కాటన్ దుస్తులను గానీ వేసవికాలంలో ధరించుకుంటే.. శరీరం నుంచి వెలువడే చెమట దుర్వాసనను సాధ్యమైనంతవరకు అరికట్టవచ్చు. ఎందుకంటే ఇవి శరీరం నుంచి వెలువడిన చెమటను ఎప్పటికప్పుడు పీల్చేసి, శరీరాన్ని చల్లగా వుంచుతాయి. ఈ రకమైన దుస్తుల్లో గాలి చొరబడడానికి వీలుగా ఫ్రీగా వుంటాయి. దీంతో శరీరం ఎంతో శుభ్రంగా, డ్రైగా వుంటుంది.

3. ఆహార పదార్థాలలో జాగ్రత్త : సాధారణంగా మానవుని ఆరోగ్య పరిస్థితులు అతను తీసుకునే ఆహార పదార్థాల మీద ఆధారపడి వుంటాయి. అలాగే వేసవిలో కూడా వాతావరణానికి తగ్గట్టు కొన్ని ఆహారాలను తిరస్కరించాల్సి వుంటుంది. అందులో ముఖ్యంగా స్పైసీ ఫుడ్ ను తగ్గించుకోవాలి. ఎందుకంటే.. స్పైసీ ఫుడ్ శరీర ఉష్ణోగ్రతను పెంచి, చెమటను బయటకు రప్పించడానికి కారణం అవుతుంది. కాబట్టి సాధ్యమైనంతవరకు వీటిని తీసుకోకూడదు.

4. నేచురల్ స్టెరిలైజర్ : శరీరంలోని కొన్ని చిన్నచిన్న ప్రదేశాల్లో నిత్యం చెమట వెలువడుతూనే వుంటుంది. అందులో ముఖ్యంగా అండర్ ఆర్మ్ వంటి ప్రదేశంలో చెమట ఎల్పప్పుడూ వస్తూనే వుంటుంది. కాబట్టి అటువంటి చోట టీట్రీ ఆయిల్, విట్చ్ హాజెల్ వంటి స్టెరిలైజర్స్ తో శుభ్రంగా తుడుచుకోవాలి. అలాగే నేచురల్ యాంటీ సెప్టిక్స్ లను ఉపయోగించడం వల్ల అవి శరీరంలో వున్న బ్యాక్టీయాలను తొలగించి, దుర్వాసనను నివారిస్తాయి.

5. నో స్మోకింగ్ : సహజంగానే స్మోకింగ్ చేయడం ఒక చెడు అలవాటు. ఎందుకంటే.. స్మోకింగ్ చేస్తున్న సమయంలో శ్వాస లోపలికి పీల్చే సమయంలో చెడు పదార్థాలు అన్ని లోపలికి చేరి, శ్వాసక్రియకు హాని కలిగిస్తాయి. ఊపిరితిత్తులకు తీవ్ర నష్టాన్ని కలిగిస్తాయి. అంతేకాకుండా శరీరంలో వేడిని పెంచడానికి ఇది దోహపడుతుంది. టొబాకోలో వుండే కెమిక్ల్స్ చర్మంలోకి చాలా సున్నితంగా చొచ్చుకుని పోతాయి. ఫలితంగా బయటకు వచ్చిన చెమట దుర్వాసన రావడం మొదలవుతుంది. కాబట్టి సాధ్యమైనంతవరకు స్మోకింగ్ ను మానేయడానికి ప్రయత్నించాలి.