దక్షిణ భారతదేశంలోనే ప్రయాణికులకు ‘‘వెల్లూర్’’ ఒక ప్రముఖ పర్యాటక కేంద్రంగా గుర్తించబడింది. ఈ ప్రాంతంలో పురాతనకాలం నుంచి వున్న కట్టడాలు, దేవాలయాలు, ద్రావిడ నాగరికతలను సంబంధించిన చారిత్రాత్మక కట్టడాలు ఇక్కడ వున్నాయి. హిందూ సంస్కృతీ, సంప్రదాయాలను వెదజల్లే అద్భుతమైన నగరంగా దీనిని పేర్కొంటారు. ఈ ప్రాంతానికి ‘ఫోర్ట్ సిటీ ఆప్ తమిళనాడు’ (తమిళనాడు కోట నగరం) అని పేరు కూడా వుంది. 

ఇక్కడున్న చారిత్రాత్మక కట్టడాల గురించి ఒకసారి మనం చర్చించుకుందాం....

వెల్లూర్ పోర్ట్ : ఇది పూర్తిగా గ్రానైట్ రాయితో చేయబడిన ఒక కళాత్మకమైన కట్టడం. ప్రయాణికులు దీనికి వీక్షించడానికి లక్షలలో వస్తుంటారు. ఇది ఒక హాట్-స్పాట్ వంటిది. 

మ్యూజియం : వెల్లూరులో వుండే రాష్ట్ర ప్రభుత్వ మ్యూజియం ఎంతో ఆకర్షితమైనది. ఇక్కడ పురాతన కాలంలో రాజులు వుపయోగించిన వస్త్రాభరణాలు, నాగరికతకు సంబంధించిన కళలు చాలా వున్నాయి. ఇక్కడున్న ఫ్రెంచ్ బంగళా ఒక స్మారక చిహ్నం. దీనినే పెర్ల్ ప్యాలెస్ లేదా ముతుమండపం అని కూడా అంటారు. 

మహమ్మదీయ మసీదు : ఇక్కడ కేవలం హిందూ కట్టడాలే కాకుండా ముస్లిం సోదరులకు సంబంధించిన చారిత్రాత్మక కట్టడాలు కూడా వున్నాయి. అందులో ముఖ్యమైంది ఈ మహమ్మదీయ మసీదు. దీనిని వీక్షించడానికి కూడా చాలామంది పర్యాటకులు వస్తుంటారు. 

గోల్డెన్ టెంపుల్ : ప్రస్తుతకాలంలో భారతదేశంలో పేరుగాంచిన దేవాలయాలలో ది గోల్డెన్ టెంపుల్ ఒకటి. ఇది మొత్తం 1500 కిలోల బంగారంతో కట్టించారు. ఈ ఆలయం శ్రీ శక్తి అమ్మ పేరుతో కట్టించారు. ఇది మొత్తం 1.8 కిలోమీటర్ల వరకు విస్తీర్ణంలో వ్యాపించి వుంది. దీనిని ది గోల్డెన్ టెంపుల్ ఆఫ్ వెల్లూర్ అని అంటారు. ఈ ప్రాంతం చుట్టుపక్కల సందర్శించడానికి హిందూ దేవాలయాలు, మఠాలు చాలానే వున్నాయి. 

రీసెర్చ సెంటర్ : ప్రముఖ చర్చులైన యజమ్త్పిఒన్ కాతెద్రాల్, 150 సంవత్సరాల కిందటి సెయింట్ జాన్స్ చర్చులు వున్నాయి. ఇక్కడున్న రీసెర్చ్ సెంటర్ భారతదేశ మొదటి మూలకరణ పరిశోధన కేంద్రంగా పిలవబడుతుంది. 

జూలాజికల్ పార్క్ : పిల్లల నుండి పెద్దల వరకు ప్రతిఒక్కరికి ఎంతో ఇష్టమైన పర్యాటక కేంద్రం ఈ జూలాజికల్ పార్క్. ఇది అమిర్తి నది సమీపంలో జవాడు కొండల దగ్గర వుంది. 

గ్రేట్ వార్ : స్వాతంత్ర్య పోరాటంలో బ్రిటీష్ వారికి వ్యతిరేకంగా వెల్లూర్ ఎల్లప్పుడూ ముందంజలో వుంది. ఆ ఉద్యమంలో సైనికులు ఉపయోగించిన యుద్దసామాగ్రి వెల్లూర్ కోటలో వున్నాయి.

మొత్తం భారతదేశంలో వెల్లూరు ప్రాంతం తోలు ఎగుమతి చేయడంలో ప్రముఖ స్థానంలో వుంది. అంతేకాదు.. ఇక్కడ విస్ఫోటకాలకు సంబంధించిన పేలుడు పదార్థాలను కూడా తయారు చేస్తారు.