సమ్మర్ లో సందర్శించాల్సిన దక్షిణ ప్రదేశాలు

Posted: 03/07/2014 10:22 AM IST

ఎవరైనా సమ్మర్ సీజన్ లోనే పర్యటనలు చేయడం ఇష్టపడతారు. సమ్మర్ సీజన్ లో పిల్లలకు శెలవులు బడుల నుంచి శెలవులు ప్రకటించడం వల్ల, అలాగే సమ్మర్ లో వున్న వేడిని చల్లగా ఆస్వాదించాలని పర్యాటకులు చలిగా వున్న ప్రదేశాలకు వెళతారు. కొందరు మన భారతదేశానికి దక్షిణవైపు వున్న ప్రదేశాలకు పర్యటనకు వెళితే.. మరికొందరు ఉత్తరవైపు వున్న జమ్మూకాశ్మీర్, హిమాలయాలు, ఇంకా తదితర ప్రాంతాలకు వెళుతుంటారు. అయితే మన దక్షిణ భారతదేశంలో ఎటువంటి ప్రదేశాలు సమ్మర్ లో పర్యటించేందుకు అనువైనవో ఒకసారి పరిశీలిద్దాం.... 

ఊటీ... మన దక్షిణ భారతదేశంలో చెప్పుకోదగిన పర్యాటక ప్రాంతాలలో ఇదొకటి. ఇక్కడున్న పచ్చని వాతావరణం సమ్మర్ లో వున్న వేడిని తగ్గించి, ఎంతో ఆహ్లాదకరాన్ని పెంచుతుంది. ఇక్కడున్న సుందరమైన నీలగిరి కొండలు తప్పక చూడదగిన ప్రదేశం. 

జోగ్ ఫాల్స్... ఈ ప్రాంతం చాలావరకు జలపాతాలతో నిండి వుంటుంది. ఇక్కడున్న జలపాతాలు వేసలో వున్న ఉష్ణోగ్రతను తగ్గించి, మనలో ఉన్న ఉత్సాహాన్ని పెంచుతుంది. ఈ జలపాతాలు పర్యాటకులను ఎంతగా ఆకర్షిస్తాయి. 

గోవా బీచ్... గోవాలో నిరంతరం పర్యాటకులు వస్తూనే వుంటారు. చలికాలం, వేసవికాలం అంటూ తేడా లేకుండా నిరంతరం ఇక్కడ సందర్శించేవారు చాలామంది వుంటారు. వేసవిలో ఇక్కడ వేడి వున్నప్పటికీ, గోవా బీచ్ సందర్శించడానికి చాలా అనువైంది. ఇక్కడ వేసవిలో మనకు కావాలసిన వసతులన్నీ కూడా చాలా తక్కువ ధరలకే లభ్యమవుతాయి. 

తేక్కడి... కేరళ రాష్ట్రంలో వున్న ఈ ప్రదేశం సందర్శించడానికి చాలా అనువైనది. వేసవి వేడి మొదలైనప్పటి నుంచి ఇక్కడి వాతావరణం చాలా అనుకూలంగా వుంటుంది. పచ్చని వాతావరణం నెలకొంటుంది. 

అరకు వాలీ... ఇది ఎంతో ఆకర్షణీయమైన ప్రదేశం. ఎందుకంటే.. మార్చినెల మొదలైనప్పటి నుంచి వేసవి ఉష్ణోగ్రత తగ్గేంతవరకు ఇక్కడి వాతావరణం ఎంతో అనుకూలంగా వుంటుంది. ఇక్కడున్న పచ్చని వాతావరణం ఎంతో ఆహ్లాదాన్ని పెంపొందిస్తుంది. అంతేకాదు.. ఇక్కడ చూసే ప్రదేశాలు కూడా చాలానే వున్నాయి. 

మున్నార్... ఈ ప్రదేశాన్ని సందర్శించాలంటే సమ్మర్ వరకు ఆగాల్సిన అవసరం లేదు. ఇక్కడున్న అందమైన వాతావరణం కలప్రదర్శనకు ఎంతో అనుకూలమైంది. ఇక్కడ నిరంతరం పర్యాటకులు విహరిస్తూనే వుంటారు. 

కొడైకెనాల్... సాధారణంగా ఈ ప్రాంతం పేరును మనం నిత్యం వింటూ వుంటాం. వేసవిలో ఈ ప్రాంతంలో ట్రెక్కింగ్ అనే సాహసక్రీడను నిత్యం నిర్వహిస్తూ వుంటారు. చాలావరకు పర్యాటకులు ఈ ఆటను చూడటానికే ఇక్కడి వస్తుంటారు. పైగా వేసవిలో ఇక్కడ చల్లటి వాతావరణంతోపాటు సందర్శించే ఎన్నో ప్రదేశాలు కూడా వున్నాయి.