టోక్యో ఒలంపిక్స్ వైపు మంజీత్ సింగ్ చూపు.!

Posted: 10/05/2018 08:01 PM IST

ఆసియా గేమ్స్‌లో 800 మీటర్ల పరుగు పందెంలో బంగారు పతక విజేత మన్‌జీత్ సింగ్.. తన తదుపరి ధ్యేయాన్ని మీడియా ముందు రివీల్ చేశాడు. టోక్యో ఒలంపిక్స్ లో పతకాన్ని సాధించాలని అన్నారు. అయితే అందుకు ముందుగా అర్హత సాధించాల్సిన అవసరం కూడా వుందని ఆయన చెప్పారు.ఇందుకోసం 2019 ఖతార్ లో జరగబోయే వరల్డ్ అథ్లెటిక్స్ చాంపియన్ షిప్ లో పతకం సాధించి.. ఆ తరవాత 2020 టోక్యోలో జరగబోయే ఒలింపిక్స్‌కు అర్హత సాధించడమే తన ధ్యేయమని చెప్పుకోచ్చారు.

‘ప్రస్తుత నా లక్ష్యం 2019లో జరగబోయే వరల్డ్ అథ్లెటిక్స్ చాంపియన్‌షిప్. ఆ టోర్నీలో పతకం సాధించి 2020 టోక్యో ఒలింపిక్స్ అర్హత సాధించాలి’ అని మన్‌జీత్ సింగ్ తెలిపాడు. వచ్చే సంవత్సరం ఏప్రిల్ లో దోహలో ఆసియా అథ్లెటిక్స్ చాంపియన్ షిప్, సెప్టెంబర్ లో వరల్డ్ చాంపియన్ షిప్ జరగనున్న సంగతి తెలిసిందే. ‘నా ముందు ఉన్న ప్రస్తుత లక్ష్యం ఒలింపిక్స్ కు అర్హత సాధించడం’ అని సింగ్ వక్కాణించాడు.