అమ్మతో అపాయింట్మెంట్ ఫిక్స్...!

Posted: 05/31/2016 12:25 PM IST

టాలీవుడ్ లో జూనియర్ ఎన్టీఆర్ రేంజ్ రోజురోజుకీ పెరిగిపోతుంది. ఒక సినిమా సెట్స్ లో ఉండగానే మరో సినిమాకి శ్రీకారం చుట్టేస్తున్నాడు. 'నాన్నకు ప్రేమతో' సినిమా షూటింగ్ దశలో ఉండగానే కొరటాలశివతో 'జనతాగ్యారేజ్' సినిమాని ప్రారంబించేశాడు. ఇప్పుడు ఈ సినిమా సెట్స్ లో ఉండగానే పూరీ జగన్ తో, వక్కంతం వంశీలతో సినిమాలను వరుసగా ప్లాన్ చేసేస్తున్నాడు. ప్రస్తుతం 'జనతాగ్యారేజ్' సినిమా షూటింగ్ శరవేగంగా జరుపుకుంటున్న సంగతి తెలిసిందే.  ఈ సినిమా షూటింగ్ కి సంబంధించిన కొన్ని కీలక సన్నివేశాలను ప్రస్తుతం చెన్నైలో చిత్రయూనిట్ తెరకెక్కిస్తోంది.

ఈ షూటింగ్ లో పాల్గొంటూనే , షూటింగ్ గ్యాప్ లో జూనియర్ ఎన్టీఆర్ తమిళనాడు ముఖ్యమంత్రి అయిన అమ్మ జయలలితను కలవనున్నట్లుగా సమాచారం తెలుస్తోంది. దీనికోసం ముందుగానే ఆయన అమ్మతో అపాయింట్మెంట్ తీసుకున్నట్లుగా చెబుతున్నారు చెన్నై వాసులు. 'అమ్మని కలవనున్న మనవడు' అని తమిళ మ్యాగ్జిన్స్ లో తెగ రాసేస్తున్నారట. ఎందుకంటే , గతంలో జయలలిత సీనియర్ ఎన్టీఆర్ తో ఎన్నో సినిమాల్లో ఆడిపాడి తెలుగు ప్రేక్షకుల మదిలో నిలిచిపోయింది. ఎన్టీఆర్ మనవడైన తారక్ ఇప్పుడు జయలలితకి కూడ వయసులో మనవడి వరుసే అవుతాడు కాబట్టి ఇప్పుడు వీళ్లిద్దరి కలయిక చెన్నైలో హాట్ టాపిక్ గా మారింది.

ఇటీవలే జరిగిన చెన్నై అసెంబ్లీ ఎన్నికల్లో భారీ మెజారిటీతో  గెలిచిన జయలలితను పలువురు సినీ ప్రముఖులు అబినందించిన విషయం తెలిసిందే. ఇప్పుడు తారక్ కూడ అందుకే అమ్మని కలవబోతున్నాడని, కేవలం విషెష్ చెప్పేందుకు మాత్రమే వెళ్తున్నాడని మరే రాజకీయ ఉద్దేశ్యం అందులో లేదని చెబుతున్నారు సినీ విశ్లేషకులు.

ఏది ఏమైనా, అలనాటి ఎన్టీఆర్ తో జతకట్టిన జయలలిత ఇప్పుడు జూనియర్ ఎన్టీఆర్ ని చూస్తే , వాళ్లిద్దరి కలయిక ఎలా ఉంటుందో అని, వాళ్లేం మాట్లాడుకుంటారో అని అందరూ ఆసక్తిగా ఎదురుచూస్తున్నారు.