‘ఫారిస్ పారిస్’ కత్తెరింపులపై కాజల్ కస్సుబుస్సు..

Posted: 08/21/2019 08:42 PM IST

బాలీవుడ్ లో తిరుగులేని విజయాన్ని అందుకోవడంతో పాటు విమర్శకుల ప్రశంసలు కూడా అందుకున్న చిత్రం ‘క్వీన్’. హిందీలో కంగనా రనౌత్ చేసిన ఈ సినిమా అక్కడ భారీ విజయాన్ని అందుకోవడంతోపాటు అమె కెరియర్లో ఇది చెప్పుకోదగిన సినిమాగా నిలిచింది. అలాంటి ఈ సినిమాను దక్షిణాది భాషల్లో రీమేక్ చేస్తున్నారు. తమిళ రీమేక్ లో కాజల్ నటించింది. అయితే ఈ సినిమాలో అసభ్యకరమైన సన్నివేశాలు .. సంభాషణలు ఉండటంతో, సెన్సార్ బోర్డువారు నిరభ్యంతరంగా వాటిని కత్తిరించేశారట.

ఈ విషయం పట్ల నిర్మాతలు అభ్యంతరాన్ని వ్యక్తం చేస్తూ, మరోసారి పరిశీలించాలని హడావిడి చేస్తున్నారు. ఈ నేపథ్యంలోనే కాజల్ స్పందిస్తూ .. "ఈ సినిమాను నేను ఎంతో కష్టపడి చేశాను. ఒరిజినల్లో వున్న సన్నివేశాలనే తీయడం జరిగింది. అయినా ఈ సినిమాలోని కొన్ని సన్నివేశాలను కత్తిరించడం నన్ను చాలా అసంతృప్తికి గురిచేసింది. ఇలా జరగకుండా వుంటే బాగుండేది" అంటూ అసహనాన్ని వ్యక్తం చేసింది. అయితే తెలుగు, కన్నడ బాషల్లో నటి తమన్నా నటించిగా, ఆయా చిత్రాలు ఎలాంటి కత్తెరింపులు లేకుండానే యూఏ సర్టిఫికెట్ ను అందుకోవడం గమనార్హం.